سیاست سے دور بلاول بھٹو آجکل کیا کر رہے ہیں، خوبصورت ویڈیو وائرل ہو گئی

سٹی42: کئی روز سے سیاسی منظر نامہ سے غائب  پاکستان پیپلز پارٹی کے چئیرمین بلاول بھٹو زرداری اچانک ایک خوبصورت ویڈیو میں سامنے آ گئے۔ ان کی ویڈیو نے پاکستان کے سوشل میڈیا میں ہلچل مچا دی۔ یہ ویڈیو اس وقت سوشل پلیت فارم ایکس پر وائرل ہو رہی ہے۔ 

پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری کئی روز سیاسی منظر سے دور  تھے اور ان کے پرستار نہین جانتے تھے کہ وہ کہاں ہیں اور کیا کر رہے ہیں۔

اتوار کے روز سوشل پلیٹفارم پر پوسٹ ہونے والی ایک خوبصورت ویڈیو سے انکشاف ہوا کہ بلاول بھٹو اس وقت اپنے بھانجوں کے ساتھ کھیلنے اور خوبصورت سرگریاں کرنے میں مصروف ہیں۔

بلاول بھٹو زرداری کی بہن اور صدرِ مملکت آصف علی زرداری کی صاحبزادی بختاور بھٹو نے اپنے اکاؤنٹ سے ایک ویڈیو شیئر کی ہے۔ جس میں دیکھا جا سکتا ہے کہ بلاول اپنے بڑے بھانجے میر حاکم کے ساتھ کلرنگ بُک میں ایک سکیچ میں رنگ بھر رہے ہیں۔

میر حاکم کے ہاتھ میں سرخ جب کہ بلاول بھٹو کے ہاتھ میں پیلے رنگ کی کلر پینسل دکھائی دے رہی ہے۔

بختاور بھٹو کی آج پوسٹ کی ہوئی اس ویڈیو نے بہت سے دیکھنے والوں کو  سابق وزیراعظم بے نظیر بھٹو شہید کی ایک ویڈیو کلپ یاد دلادی جس میں وہ  اپنے بچوں کو پڑھاتے ہوئے دکھائی دے رہی تھیں۔  اس ویڈیو میں بختاور اور آصفہ کے ساتھ بلاول بھٹو بھی ماں سے سبق لیتے دکھائی دے رہے تھے۔