( سٹی42) پی ٹی آئی چیئرمین عمران خا ن کا پی ڈی ایم کو بڑا سرپرائز،سابق رہنما پی ٹی آئی پرویز خٹک کی واپسی؟کیا ایسا ممکن ہے؟سینئر تجزیہ کار سلیم بخاری نے بڑے انکشافات کردیے۔

  سینئر صحافی سلیم بخاری کا کہنا تھاکہ پرویز خٹک اب بھی پی ٹی آئی کے ساتھ مخلص ہیں کیوں کہ کسی دور میں جب پیپلز پارٹی سے پیپلز پارٹی پٹریاٹ  نکلی تھی ٹھیک اسی طرح پی ٹی آئی سے پی ٹی آئی پارلیمنٹیرین نکلی ہے۔ پرویز خٹک کا پی ٹی آئی کو انتخابی اتحاد کی آفر کرنا ان کے مخلص ہونے کا ثبوت ہے،یعنی کہ پی ٹی آئی اور پرویز خٹک اب بھی ایک پیج پر ہیں۔ یعنی کہ یہ صرف اس لئے بنائی گئی تھی کہ پی ٹی آئی کے خلاف جو کریک ڈاؤن چل رہا تھا۔ اس کو بنانے کا مقصد کا پی ٹی آئی کی ساکھ کو بچانا تھا جو کہ یقینی طور پر وہ بچانے میں کامیاب ہوگئے ہیں۔

  سینئر صحافی نے کہا کہ اس سے کے پی کے اندر اپنے ووٹ بینک کو بچانا تھا۔ اب اس کا وجود رہتا ہے یا نہیں رہتا،یہ آنے والا وقت ہی بتائے گا۔

  رہنما مسلم لیگ ن میاں جاوید لطیف کے بیان پر بات کرتے ہوئےکہا کہ جو بیان انہوں نے دیا کہ’نئی حلقہ بندیوں کے تحت انتخابات کروانا ممکن نہیں‘ کہتے ہیں کہ جاوید لطیف کی نوازشریف کے ساتھ بڑی قربت ہے، وہ ہمیشہ نئی لائنیں دیتے ہیں، ان کا اس طرح کا بیان صرف اور صرف پارٹی کے بیان کو محفوظ کرنا ہوتا ہے۔ انتخابات وقت پر ہونے ہیں یا نہیں، نگراں سیٹ اپ نے کتنا چلنا ہے صرف متعلقہ ادارے ہی جانتے ہیں۔