ویب ڈیسک: معروف بھارتی فلموں میں اداکاری کے جوہر دکھانے والے سینئر اداکار ” متھیلیش چترویدی“ 68 سال کی عمر میں دنیا سے رخصت ہو گئے۔
بھارتی میڈیا رپورٹ کے مطابق متھیلیش چتر ویدی کا انتقال ہارٹ اٹیک کے باعث لکھنومیں ہوا ، وہ دل کی بیماریوں میں کافی عرصے مبتلا تھے ،انہیں کچھ عرصہ قبل بھی ہارٹ اٹیک آیا تھا جس کے بعد انہیں آرام کرنے کیلئے ان کے آبائی علاقے میں منتقل کر دیا گیا تھا جہاں انہوں نے گزشتہ روز دم توڑ دیا۔
متھیلیش چترویدی بالی ووڈکی فلم کوئی مل گیا، اشوکا، کرش، فضا اور تال سمیت متعدد نامور فلموں میں اداکاری کے جوہر دکھا چکے ہیں۔