سٹی42: یو ٹیوب ٹک ٹاک کے مقابل آ گئی۔
ٹک ٹاک سے مقابلے کے لیے یوٹیوب میں ایک بڑی تبدیلی کی گئی ہے۔
یوٹیوب نے شارٹس کے لیے ویڈیو ایڈیٹر کو اپ ڈیٹ کیا ہے۔ اس تبدیلی کابظاہر مقصد ٹک ٹاک اور انسٹا گرام ریلز سے زیادہ بہتر طریقے سے مقابلہ کرنا ہے۔
یو ٹیوب کی جانب سے آرٹی فیشل انٹیلی جنس (اے آئی) فیچرز کو بھی متعارف کرانے کا عندیہ دیا گیا ہے جو کہ آئندہ چند ماہ میں یوٹیوب میں دستیاب ہوں گے۔
شارٹس کے لیے نیا اور پہلے سے بہتر ویڈیو ایڈیٹر صارفین کو باریک ایڈجسٹمنٹس اور ہر کلپ میں زوم اور سنیپنگ کے ساتھ ایڈٹ کرنے کی سہولت فراہم کرے گا۔
اس کے ساتھ ساتھ معمول کے ری ارینج اور فوٹیج ڈیلیٹ کے آپشنز بھی دستیاب رہیں گے۔
یو ٹیوب نے بتایا کہ اب یوزر میوزک اور ٹیکسٹ کو شارٹس ویڈیوز میں شامل کرسکیں گے جبکہ ایڈیٹنگ کے دوران کسی بھی وقت "ویڈیو پری ویو "دیکھ سکیں گے۔
یوٹیوب نے مزید بتایا کہ آنے والے مہینوں میں ویڈیو ایڈیٹر میں کسی گانے کے ساتھ آٹو میٹیکلی سنکرونائز کلپس automatically sync clips فیچر بھی دستیاب ہوگا۔
جلد ہی یوزر اپنی فوٹو گیلری یا کسی اے آئی امیج جنریٹر کی تصاویر کو سٹیکرز میں بھی بدل سکیں گے۔
یو ٹیوب پر ٹیمپلیٹس استعمال کرنے کا عمل بھی سادہ بنایا جا رہا ہے۔
اس سے ملتے جلتے ٹولز ٹک ٹاک اور انسٹا گرام کے یوزرز کو کافی عرصے سے دستیاب ہیں۔ اب یوٹیوب ان کا مقابلہ کرنے کے لیے نئے فیچرز کو متعارف کروا رہی ہے۔ ہے۔
ٹک ٹاک کے ایڈیٹنگ ٹولز اور کپ کٹ ویڈیو ایڈیٹر ایپ کو فون میں ویڈیوز کی تیاری کے لیے گولڈ اسٹینڈرڈ کا درجہ حاصل ہے۔
یہ پہلی بار نہیں جب یوٹیوب نے ٹک ٹاک کی نقل کی ہے بلکہ شارٹس ویڈیوز کا فیچر بھی دراصل ٹک ٹاک سکا مقابلہ کرنے کے لئے یوٹیوب کا حصہ بنایا گیا اور یہ کامیاب بھی رہا۔