ویب ڈیسک: گوگل میپس میں صارفین کیلئے ایک نئے فیچر کا اضافہ کردیاگیا ہے جس سے صارفین کے لیے اپنے تفریحی سفر کی منصوبہ بندی کرنا آسان ہو جائے گا۔
گوگل میپس کے اس فیچر کا مقصد صارفین کو موسم گرما کے دوران گھومنے کے لیے منصوبہ بندی کرنے میں مدد فراہم کرنا ہے،ان میں سب سے نمایاں فیچر اسکرین شاٹس سے مقامات کی نشاندہی کرنے اور انہیں کسی لسٹ میں محفوظ کرنے کا ہے۔
جب میپس میں نئی اسکرین لسٹ کو ان ایبل کیا جائے گا تو گوگل کے آرٹیفیشل انٹیلی جنس (اے آئی) ماڈل جیمنائی پر مبنی یہ فیچر مقامات کو شناخت کرکے ان کے بارے میں ٹیکسٹ فراہم کرے گا۔
اس فیچر سے صارفین گوگل میپس میں ان اسکرین شاٹس میں موجود لوکیشنز کو کسی شیئر ایبل لسٹ میں محفوظ کرسکیں گے۔
واضح رہے کہ یہ فیچر پہلے امریکا میں آئی فون صارفین کے لیے متعارف کرایا جا رہا ہے جبکہ اینڈرائیڈ صارفین کے لیے بھی یہ جلد دستیاب ہوگا۔