عابد چودھری :سندر کے علاقے میں شادی کے روز نوجوان لڑکی عائشہ حبیبہ کو قتل کرنے والے ملزم کو گرفتار کر لیاگیا۔
تفصیلات کے مطابق ڈی آئی جی انویسٹی گیشن سید ذیشان رضا نے قتل کی بڑی واردات کا نوٹس لیا تھا،ایس پی صدر معظم علی کی سربراہی میں ملزم کی گرفتاری کے لیے ٹیم تشکیل دی گئی، تھانہ سندر انسپکٹر پاشا عمران نے پولیس ٹیم کے ہمراہ کارروائی کر کے ملزم کو گرفتار کر لیا۔
ڈی آئی جی انویسٹی گیشن سید ذیشان رضا کا کہنا تھا کہ ملزم اکرام مقتولہ کا بہنوئی ہے،ملزم نے مقتولہ کو رشتہ کے تنازعہ کی وجہ سے فائرنگ کرکے قتل کردیا تھا،ملزم اس واردات کے بعد موقع سے فرار ہو گیا تھا،ملزم کو جدید ٹیکنالوجی اور ہیومن انٹیلیجنس کی مدد سے گرفتار کیا گیا۔
سید ذیشان رضا نے مزید کہا کہ شواہد کی روشنی میں مضبوط چالان مرتب کرکے ملزم کو قرار واقعی سزا دلوائی جائےگی۔
ایس ایس پی انویسٹی گیشن محمد نوید کی طرف سے پولیس ٹیم کے لئے تعریفی اسناد کا اعلان کیا گیا۔