سٹی42:کورونا کی وجہ سے جہاں دیگر شعبہ جات متاثر ہوئے ہیں وہیں تعلیمی اداروں اور طالب علموں کی تعلیمی سرگرمیوں پر بھی اس کے اثرات مرتب ہوئے ہیں۔سکولوں ،کالجوں اور یونیورسٹیوں کی بندش کے باعث سٹوڈنٹس کا بہت حرج ہو رہا ہے۔
اب تعلیمی ادارے کھلیں گے یا مزید بند رہیں گے؟ اس حوالے سے این سی او سی کا مشاورتی اجلاس منگل کوہوگا۔وفاقی وزیرتعلیم شفقت محمود کا ٹویٹ پیغام میں کہنا ہے ایجوکیشن اورہیلتھ وزراءاین سی او سی اجلاس میں شریک ہوں گے۔۔اجلاس میں امتحانی مراکز کا معاملہ بھی زیرغور آئے گا۔۔فیصلہ ایجوکیشن ،ہیلتھ وزراءاوراین سی اوسی حکام کا مشترکہ ہوگا۔
واضح رہے کہ گزشتہ دنوں وفاقی وزیر تعلیم شفقت محمود نے پنجاب کے 9 اضلاع میں تعلیمی ادارے 11 اپریل تک بند رکھنے کا اعلان کیا تھا۔وفاقی وزیر تعلیم شفقت محمود کے زیر صدارت وزرائے تعلیم کانفرنس ہوئی تھی جس میں محکمہ تعلیم کے ساتھ محکمہ صحت کے وزراءاور مانیٹرنگ ٹیمیں شریک ہوئی تھیں جبکہ کانفرنس میں چاروں صوبوں کے وزرائے تعلیم نے ویڈیو لنک کے ذریعے شرکت کی تھی۔کانفرنس میں ملک بھر میں کورونا کی صورتحال کا جائزہ لیا گیا، کانفرنس میں 8 اضلاع میں سکولوں کو مزید 10 اپریل تک بند رکھنے کی تجویز دی گئی تھی
نیشنل کمانڈ اینڈ ا?پریشن سنٹر کے اجلاس کے بعد پریس کانفرنس کرتے ہوئے وفاقی وزیر تعلیم شفقت محمود نے کہا تھا کہ جہاں کورونا کی شدت زیادہ ہے وہاں تعلیمی ادارے 11اپریل تک بند رہیں گے لیکن اب تعلیمی ادارے کھلیں گے یا مزید بند رہیں گے؟ اس حوالے سے این سی او سی کا مشاورتی اجلاس منگل کوہوگا۔