کورونا نے کئی قیمتیں جانیں نگل لیں،مثبت کیسز کی شرح کتنی رہی ،جانئے

سٹی42:نیشنل کمانڈ اینڈ آپریشن سینٹر کی جانب سے کورونا کے اعداد و شمار جاری، 24 گھنٹوں میں کورونا سے 81 افراد موت کے منہ میں چلے گئے۔ ایک دن میں 5 ہزار 20 نئے کیسز سامنے آگئے ۔
 نیشنل کمانڈ اینڈ سنٹر کے مطابق ملک بھر میں مثبت کیسز کی شرح 9 اعشاریہ 2 فیصد تک پہنچ گئی گزشتہ 24 گھنٹوں میں کورونا کے 55 ہزار 605 ٹیسٹ کئے گئے۔
 رپورٹ کے مطابق ملک بھرمیں کورونا مریضوں کی تعداد 6 لاکھ 87 ہزار 908 ہوگئی ہے جن میں سے ایکٹو کیسز کی تعداد 60 ہزار 72 ہے۔ کورونا سے متاثر 3 ہزار 568 مریضوں کی حالت تشویشناک بیان کی جاتی ہے۔ 24 گھنٹے کے دوران 55 ہزار 605 کورونا ٹیسٹ کیے گئے جن میں سے 5 ہزار 20 افراد کا کورونا ٹیسٹ مثبت آیا ہے۔ ملک میں کورونا کے مثبت کیسز کی شرح 9.2 فیصد رہی۔
سندھ میں کورونا متاثرین کی تعداد 2 لاکھ 66 ہزار 378 ہو گئی جبکہ پنجاب 2 لاکھ 31 ہزار 73، خیبرپختونخوا 91 ہزار 439، بلوچستان میں 19 ہزار 734 کیس رپورٹ ہوئے ہیں۔ اسلام آباد 60 ہزار 911، گلگت بلتستان میں 5 ہزار 52 کیسز جبکہ آزاد کشمیر میں کورونا مریضوں کی تعداد 13 ہزار 321 تک پہنچ گئی ہے۔