سٹی42: لاہور کے قذافی اسٹیڈیم میں آج اتوار کے روز ایشیا کپ کا اہم میچ افغانستان اور بنگلہ دیش کے درمیان ہو رہا ہے۔ اس میچ مین توقع کی جا رہی تھی کہ سٹیڈیم صرف افغانستان کی ٹیم کے مقامہ مداحوں سے بھرا ہو گا لیکن جب میچ دیکھنے کے لئے شائقین پہنچنا شروع ہوئے تو ان میں کافی تعداد بنگلہ دیش کی ٹیم کے حامیوں اور مداحوں کی نکل آئی۔

بنگلہ دیش کی ٹیم کے بہت سے حامی بنگلہ دیش ٹیم کی کٹ میں ملبوس ہو کر میچ دیکھنے آئے۔

 اتفاق سے بنگلہ دیش کو پہلے بیٹنگ ملی تو سٹیڈیم کے کئی گوشوں سے بنگلہ دیشی اوپنرز کے ہر اچھے سٹروک پر انہیں داد ملنا شروع ہو گئی، یہ داد و تحسین بنگلہ دیشی ٹیم کے لئے خوشگوار ثابت ہوئی اور بنگلہ دیش کے بیٹرز نے کئی مواقع پر سٹیڈیم میں موجود اپنے مداحوں کی جانب دیکھ کر ہاتھ بھی ہلائے۔