(ویب ڈیسک) ہوٹلوں کے کمروں یا کرائے کے گھروں میں خفیہ کیمروں سے ویڈیوز بنائے جانے کے واقعات آئے روز لوگوں کے ساتھ پیش آتے رہتے ہیں۔

 تفصیلا ت کے مطابق  ایک سابق ہیکر نے ہوٹل کے کمروں میں موجود خفیہ کیمرے کو تلاش کرنے کا ایک آسان طریقہ بتا دیا ہے جس پر عمل کرکے آپ ہوٹل میں قیام کے دوران خود کو محفوظ بنا سکتے ہیں۔اس نے بتایا کہ آئندہ آپ جب کبھی ہوٹل کے کمرے یا کرائے کے گھر میں جائیں تو ایک فلیش لائٹ لے کر پورے کمرے اور اس میں پڑی مختلف چیزوں کا بغور جائزہ لیں جس جگہ بھی خفیہ کیمرا چھپایا گیا ہو گا، وہاں فلیش لائٹ پڑنے سے کیمرا چمک اٹھے گا اوراس سے نیلے رنگ کی روشنی آپ کو نظر آ ئے گی۔

 ہیکر کا مزید کہنا تھا کہ کیمرے کے لینز روشنی کو منعکس کرتے ہیں۔ جب ان پر روشنی پڑتی ہے تو منعکس ہو کرآنے والی نیلگوں روشنی آپ کو نظر آتی ہے۔ بستر کے اوپر موجود فائر الارم میں ،روشن دانوں اور کھڑکیوں میں بھی یہ اکثر چھپایا جاتا ہے، لہذا فلیش لائٹ سے آپ اسے تلاش کر سکتے ہیں۔