سٹی 42 : مجاہد سکواڈ ناکہ گلویرہ کی جانب سے شراب سپلائی کرنے والوں کیخلاف انٹیلی جنس بیسڈ کارروائی کرتے ہوئے شراب کی کھیپ برآمد کرلی ۔
ترجمان ڈولفن کے مطابق شہر میں شراب سپلائی کرنے والے ملزم کو گرفتار کرلیا گیا ، ناکہ پر موجود جوانوں نے مشکوک گاڑی کو چیک کیا، گاڑی کی تلاشی پر 200 سے زائد شراب کی بوتلیں برآمد ہوئیں، ملزم شراب بوریوں میں ڈال کر لاہور شہر میں سپلائی کیلئے لے کر آرہا تھا۔
ترجمان ڈولفن کا کہنا ہے کہ ملزم اسلم کو قانونی کارروائی کے لئے تھانہ کاہنہ کے حوالے کردیا گیا۔
ایس پی شاہ میر خالد نے کہا ہے کہ صوبائی دارالحکومت کے تمام داخلی و خارجی راستوں پر کڑی نگرانی کا عمل جاری ہے۔