سٹی 42:لاہور میں منشیات کا بڑھتا رجحان سنگین شکل اختیار کر گیا ، شہر کی سڑکیں اور فٹ پاتھ نشئیوں کی آماجگاہ بننے لگے۔
 تفصیلات کے مطابق لاہور میں منشیات کا بڑھتا رجحان سنگین شکل اختیار کر گیا، لاہور کے کئی مقامات نشئیوں کی زد میں ہیں جن میں کاہنہ، فیروز پور روڈ، داتا دربار بھاٹی گیٹ، لال پل فتح گڑھ، مغلپورہ، دھرم پورہ، مسلم ٹاؤن موڑ، ایف سی کالج انڈر پاس، چوبرجی، لاری اڈا،لکشمی چوک، ٹھوکر نیاز بیگ اور شاہدرہ شامل ہیں۔

نشئیوں سے خوف زدہ راہگیروں کا کہنا ہے کہ متعلقہ ادارہ منشیات فروشوں کے خلاف کارروائی کرنے میں بے بس دکھائی دیتا ہے اورپولیس ملازمین مک مکا کرنے میں مصروف ہیں ۔شہریوں نے منشیات فروشوں اور دیگر جرائم پیشہ عناصر کے خلاف سخت کاروائی کا مطالبہ کیا ہے۔