(ویب ڈیسک)قدرت نے انسان کے لئے بے شمار نعمتیں پیدا کی ہیں مختلف اقسام کے پھل جہاں ہماری قوت مدافعت مضبوط کرتے ہیں وہیں بیماریوں کے خلاف ایک ڈھال کی مانندبھی ہیں۔
اگر بات کی جائے خوش ذائقہ پھل انار کی تو یہ توانائی سے بھرپو ر ہونے کے ساتھ ساتھ بڑی بڑی بیماریوں کے خلاف قوت مدافعت بھی پیدا کرتا ہے۔فائبر سے بھرپور ہونے کی وجہ سے انار زیادہ کھانے سے ہاضمہ بھی صحت مند ہوتا ہے اور قبض کا خطرہ کم ہوتا ہے۔ اس میں فیٹس نہیں ہوتا لہذا جسمانی وزن میں کمی کے لیے بہترین غذا بھی تصور کیا جاتا ہے۔ اس موسم میں آسانی اور مناسب قیمت میں دستیاب اس پھل کا استعمال عادت بنالینا چاہئے۔
ا نار کو سوپر فوڈ کے طور پر جانا جاتا ہے، انار کے بیج صدیوں سے میڈیکل مقاصد کے لیے استعمال ہوتے آرہے ہیں، خوبصورتی سے پیک اس پھل میں اینٹی آ کسیڈنٹس اور وٹامن کی بڑی مقدا ر پائی جاتی ہے جو کہ مید ہ، جگر کی گرمی، بواسیر ، چشم آشوب، بلڈ پریشر اور قوت مدافعت کے لیے یکساں مفید ہے۔
انار میں سبز چائے سے زیادہ اینٹی آکسیڈینٹس موجود ہوتے ہیں،یہ چھاتی، بڑی آنت، اور مثانے کے کینسر سے بھی مدافعت فراہم کرتا ہے۔ اس کے چھلکے میں الیجک ایسڈ موجود ہوتا ہے، جو جلد کے کینسر کو بڑھنے سے روکتا ہے۔ اس پھل میں اینٹی آکسیڈنٹس اور جراثیم کش خوبیاں بھی پائی جاتی ہیں۔انار میں موجود فائٹو کیمیکلز کولیسٹرول اور بلڈ پریشر کم کرتے ہیں جبکہ روزانہ انار کا ایک اونس تازہ جوس پینے سے خون کی شریانوں میں خون کے لوتھڑے یا رکاوٹیں دور ہوتی ہیں، جو فالج اور دل کی دیگر بیماریوں کا باعث بن سکتا ہے۔اگر آپ روزانہ انار کا جوس پیئں، تو آپ کی جلد دانوں سے پاک، جوان، اور چمکدار نظر آئے گی۔
انار میں سیب اور دوسرے پھلوں کی نسبت چارگنی زیادہ حیاتین ج(وٹامن ای) کی مناسب مقدار بھی ہوتی ہے۔ انار کا آٹھ اونس رس روزانہ پینے سے چہرے کے مہاسے ختم ہوجاتے ہیں اور چہرہ چمکنے لگتا ہے۔ یہ موسم سرما میں آپ کی جلد کو نرم وملائم رکھتا اور پانی کی کمی کو پورا کرتاہے۔انار کے مسلسل استعمال سے سر کے بالوں کی جڑوں کو مضبوط کرتا اور انہیں گرنے سے روکتا ہے۔ اسی بنا پر لوگ انار کا تیل سراور جلد پرلگاتے ہیں۔