ثمرہ فاطمہ: امریکہ سے آئے بارہ سکھ یاتریوں نے پاکستان کے تمام مقدس استھانوں کی یاترا کے بعد لاہور میں گورودوارہ ڈیرہ صاحب پر بھی حاضری دی۔
امریکہ سے آئے ہوئے یاتریوں کے اس وفد کے ارکان نے سٹی42 کو بتایا کہ انہیں پاکستان آ کر بہت خوشی ہوئی، تمام گورودواروں کی یاترا بہت سہولت کے ساتھ کی، انہوں نے کہا کہ پاکستانی بہت خوش اخلاق اور مہمان نواز ہیں۔
سکھ یاتریوں کی گوردوارہ ڈیرہ صاحب پر حاضری کے موقع پر گورودوارہ کے منتظمین اور مقامی سکھ کمیونٹی کے ارکان نے ان کا خیر مقدم کیا۔ سکھ مہمانوں نے گودوارہ ڈیرہ صاحب کے ساتھ واقع شاہی قلعہ کی سیر بھی کی۔