ویب ڈیسک: پاکستانی اداکارہ ہانیہ عامر کے’’ سنڈریلا لُک‘‘ میں نئے فوٹو شوٹ نے دیکھنے والوں کو اپنے سحر میں مبتلا کر دیا۔
پاکستانی ڈرامہ و فلم انڈسٹری کی خوبرو اداکارہ ہانیہ عامر نے حال ہی میں اپنے آفیشل انسٹا گرام اکاؤنٹ پر اپنا نیا فوٹو شوٹ شیئر کیا ہے۔
معصوم چہرہ اور چلبلی شخصیت کی مالک ہانیہ عامر کی جانب سے شیئر کیا گیا خوبصورت فوٹو شوٹ سفیدرنگ کے سنڈریلا لُک میں کروایا گیا ہے، ہانیہ عامر اپنے نئے فوٹو شوٹ میں کسی حقیقی باربی ڈول سے کم نہیں لگ رہیں۔
ہانیہ عامر کی اس پوسٹ کو لاکھوں صارفین کی جانب پسند کیا جارہا ہے جبکہ اس پر تعریفی تبصروں کا سلسلہ بھی جاری ہے۔ایک مداح نے لکھا، ’کبھی باربی، کبھی سنڈریلا۔’ ایک اور صارف کا کہنا تھا کہ، ’اتنا خوابناک!’۔ ایک کا کہنا تھا کہ،’ایسی کہانی ہونی چاہیے جس کا نام ہو خوبصورت ہانیہ۔’جبکہ ایک اور صارف نے لکھا کہ،’ڈزنی حقیقت میں آ گیا۔’
یاد رہے کہ ہانیہ عامر نے سال 2016 میں فلم ’جاناں‘ سے اداکاری کی دنیا میں قدم رکھا اور پھر ڈراما انڈسٹری میں ’تتلی‘ سے ڈیبیو دیا جس کے بعد وہ یکے بعد دیگرے ایسے ڈرامے کرتی چلی گئیں جو انکی مقبولیت میں حیران کن اضافے کی وجہ بن گئے۔ ہانیہ عامر کے مقبولیت کے آسمان چھونے والے ڈراموں میں ’میرے ہمسفر‘ ، ’ عشقیہ‘ ’مجھے پیار ہوا تھا’ شامل ہیں تاہم ان دنوں انہیں ڈراما سیریل ’کبھی میں کبھی تم‘ میں شرجینا کے کردار سے بے انتہا محبت اور سپورٹ مل رہی ہے۔ڈراما اب جبکہ اپنی آخری قسط کے بعد ہمیشہ کیلئے الوداع کہہ جائیگا گا وہیں فینز شرجینا اور مصطفیٰ کی ہیپی اینڈنگ کی خواہش دل میں لیے انتظار کے لمحات کاٹ رہے ہیں۔
اس بات سے تو سب ہی واقف ہیں کہ پاکستانی اداکارہ ہانیہ عامر کے چاہنے والے صرف پاکستان تک ہی محدود نہیں بلکہ ایک بڑی تعداد میں انکے فینز بھارت میں بھی بستے ہیں کیونکہ گلوبل اسٹار ہانیہ عامر نہ صرف پاکستان بلکہ بھارت میں بھی بے حد پسند کی جاتی ہیں اور اکثر بھارتی سوشل میڈیا صارفین ہانیہ عامر سے ملنے کی خواہش کا اظہار کرتے بھی دکھتے ہیں۔