عابد چودھری: سندر سے منشیات فروش 2 خواتین گرفتار، لاکھوں مالیت کی 47 کلو منشیات برآمد کر لی گئی۔
تفصیلات کے مطابق ایس ایچ او سندر ندیم کمبوہ نے پولیس ٹیم کے ہمراہ خواتین منشیات فروش دھر لیں،ایس پی صدررانا غیور کے مطابق ملزمان عائشہ اور رابعہ سے لاکھوں مالیت کی 47 کلو منشیات برآمد کی گئی۔
رابعہ اور عائشہ بذریعہ بس لاہور منشیات سپلائی کرنے آئی تھیں، منشیات فروش خواتین کے خلاف مقدمہ درج کرکے تفتیش شروع کردی گئی،ایس ایچ او کے مطابق ملزمان نے تعلیمی اداروں کے اطراف اور فارم ہاؤسز میں منشیات سپلائی کرنے کااعتراف کیا ہے۔