راودلشاد: وزیراعلیٰ پنجاب مریم نواز کل رات لندن روانہ ہوں گی،وزیر اعلیٰ مریم نواز شریف نجی دورے پر لندن ہوں گی۔
تفصیلات کےمطابق وزارت اعلیٰ کا منصب سنبھالنے کے بعد پہلی بار مریم نواز غیر ملکی دورے پر جائیں گی،مریم نواز 5سے 6روز تک بیرون ملک قیام کریں گی ، نواز شریف اور مریم نواز رواں ہفتے ہی وطن واپس آجائیں گے۔
دوسری جانب مسلم لیگ ن کے صدر نواز شریف امریکا میں چیک اپ کے بعد واپس لندن پہنچ گئے، لندن کے ہیتھرو ایئرپورٹ پر لیگی کارکنوں اور عہدیداروں نے والہانہ استقبال کیا۔
ایون فیلڈ ہاؤس کے باہر صحافیوں سے مختصر گفتگو کرتے ہوئے میاں نواز شریف کاکہنا تھا کہ پی آئی اے کے پراجیکٹ پر کام کرنے کا ارادہ ہے، اللہ کرے پی آئی اے کے بارے میں جو کہا وہ ہو جائے۔
انہوں نے کہا کہ پنجاب میں مریم نواز بھی بہت اچھا کام کر رہی ہیں، ہمیشہ سے یہی کوشش رہی ہے کہ پاکستان میں غریب آدمی کی زندگی آسان ہو۔