ویب ڈیسک: بین الاقوامی شہرت یافتہ اداکار اور گلوکار علی ظفر نے سعودی عرب میں سب سے بڑا کنسرٹ کرکے تاریخ رقم کردی۔
دارالحکومت ریاض میں علی ظفر کے کنسرٹ میں 1 لاکھ سے زائد افراد نے شرکت کی جوکہ اُن کی پرفارمنس سے خوب محظوظ بھی ہوئے۔
سعودی عرب میں ملنے والی محبت اور پیار پر علی ظفر نے مداحوں کا شکریہ ادا کیا اور کہا کہ انہیں عوامی رسپانس دیکھ کر بہت زیادہ خوشی ہوئی۔
اس موقع پر علی ظفر کا کہنا تھا کہ کنسرٹ میں شرکت کرنے پر لوگوں کا بےحد مشکور ہوں، یہاں میں عوام کی محبت دیکھ کر بے حد خوشی ہوئی۔
علی ظفر کا کنسرٹ ریاض سیزن میں اب تک کا سب سے بڑا کنسرٹ بن گیا ہے، انہوں نے اپنے مشہور گیت پیش کر کے محفل لوٹ لی۔
یاد رہے کہ سعودی عرب میں جاری ریاض سیزن میں علی ظفر نے سعودی عرب کی وزارت اطلاعات و ثقافت کی درخواست پر ایک روز قبل السویدی پارک میں پرفارم کیا۔