شہباز علی:قومی سلیکشن کمیٹی نے آسٹریلیا کیخلاف پہلے میچ کیلئے 11رکنی ٹیم کا اعلان کردیا۔
کینگروز کیخلاف میلبرن میں شیڈول سیریز کے پہلے ون ڈے میچ کیلئے بابراعظم، شاہین شاہ آفریدی اور نسیم شاہ کی واپسی ہوئی ہے۔وکٹ کیپر بیٹر محمد رضوان بطور کپتان ٹیم کی قیادت کے فرائض نبھائیں گے جبکہ آغا سلمان ان کے نائب ہوں گے۔
پہلے ون ڈے کیلئے پاکستان کی پلئینگ الیون:
کپتان محمد رضوان، عبداللہ شفیق، صائم ایوب، بابراعظم، کامران غلام، سلمان آغا، محمد عرفان خان، شاہین شاہ آفریدی، نسیم شاہ، حارث رؤف اور محمد حسنین شامل ہیں۔
گیارہ رکنی ٹیم میں صائم ایوب ، عبداللہ شفیق اوپنرز ہوں گے.سابق کپتان بابر اعظم نمبر 3اور کپتان محمد رضوان نمبر 4 پر کھیلیں گے,کامران غلام پانچویں ، نائب کپتان سلمان علی آغا نمبر 6پر ہوں گے,محمد عرفان خان نیازی ساتویں، شاہین آفریدی آٹھویں نمبر پر ہوں گے.فاسٹ باولر نسیم شاہ اور حارث رؤف بھی 11رکنی ٹیم کا حصہ ہوں گے.
میچ پاکستانی وقت کے مطابق صبح 8:30 بجے شروع ہوگا۔