ویب ڈیسک: پاکستان شوبز انڈسٹری کی معروف اداکارہ لائبہ خان نے عمرہ کی سعادت حاصل کرلی۔
لائبہ خان نے فوٹوز اینڈ ویڈیوز شیئرنگ ایپ انسٹاگرام اکاؤنٹ پر مدینہ منورہ میں مسجد نبویﷺ سمیت مختلف مقامات کی تصاویر اور ویڈیوز شیئر کی ہیں۔
تصاویر شیئر کرتے ہوئے لائبہ خان نے کیپشن میں الحمد اللّٰہ لکھا، تصاویر میں دیکھا جاسکتا ہے کہ وہ سیاہ رنگ کا عبایہ پہنے مسجد نبویﷺ کے صحن میں کھڑی ہیں ، ایک ویڈیو میں اداکارہ کبوتروں کو دانہ ڈالتے ہوئے بھی نظر آرہی ہیں۔
لائبہ خان کی ان تصاویر کو مداحوں کی جانب سے خوب پسند کیا جارہا ہے اور چند گھنٹوں میں ہی ان کی پوسٹ پر ڈیڑھ لاکھ کے قریب لائیکس مل چکے ہیں، جبکہ مداحوں کی جانب سے مبارک باد کا سلسلہ بھی جاری ہے۔
واضح رہے کہ لائبہ خان سوشل میڈیا پر کافی متحرک رہتی ہیں اور گاہے گاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔ لائبہ خان نے فیشن کی دنیا میں ماڈلنگ سے اپنا کیریئر شروع کیا اور آج بھی وہ ملک کے متعدد بڑے برانڈز کی اوّلین پسند ہیں۔لائبہ خان نے (2018) میں اداکاری کی دنیا میں ڈراما سیریل ’’دو بول‘‘ سےقدم رکھا۔ انہوں نے کم وقت میں ’حسینہ‘، ’انتقام‘، ’زندگی ایک پہیلی‘، ’تیرے آنے سے‘ اور ’بے لگام‘ جیسے ڈراموں میں مداحوں کی توجہ حاصل کرلی۔
لائبہ خان کو سوشل میڈیا پر بھی خوب مقبولیت حاصل ہورہی ہے۔ انہیں انسٹاگرام پر 2.5M سے زائد مداح فالو کررہے ہیں۔