(عرفان ملک)لاہور پولیس میں بھرتی کے امیدوار بھرتی سے پہلے ہی دھوکہ بازی کرتے پکڑے گئے، پولیس میں جسمانی پیمائش کے لیے آنے والے خود امیدوار ہی نہ نکلے۔
پولیس میں بھرتی کا دوسرا مرحلہ جاری ہے جس میں قد اور چھاتی کی پیمائش کی جا رہی ہے ۔ پولیس بھرتی کے امیدواروں کی جگہ تین ایسے افراد شامل ہو گئے جو خود امیدوار نہیں تھے۔ پولیس نے حمزہ کاشف علی اور وقار کو گرفتار کر لیا جو اپنے بھائی ، دوست یا عزیز کی جگہ جسمانی پیمائش کرنے کے لیے پہنچ گئے تھے۔ سلیکشن بورڈ نے تین امیدواروں کو پکڑ لیا اور ایس ایچ آؤ قلعہ گجر سنگھ کو کارروائی کے لیے پولیس لائنز بلوا کر جعلی امیدواروں کے خلاف مقدمات درج کروا دیا۔