سٹی42: شہر کے یوٹیلیٹی سٹوروں پر بھی مہنگائی کا جن بے قابو ہوگیا ،عام صارفین کیلئےچاول ،گھی ،آئل ،چائے ،چینی دیگر سودا سلف کی قیمتیں آسمان پر پہنچ گئیں۔
شہر کے یوٹیلیٹی سٹوروں پر چاول 320 روپے ،2 کلو چاول کا پیکٹ 640 روپے فروخت ہونے لگا، اسی طرح چینی اوپن مارکیٹ کی نسبت 5 روپے مہنگی فروخت ہونے لگی ہے اور درجہ سوم کے گھی کی قیمت اور درجہ اول کی قیمت میں فرق کم رہ گیا ۔یوٹیلیٹی سٹوروں پر حال ہی میں درجہ سوم کے گھی کی قیمت میں 30 سے 60 روپے کا اضافہ دیکھا گیا۔سرف ،چائے ،گرم مصالحہ جات کی قیمتیں بھی بے تحاشا ہیں ۔آٹے کی مانگ میں خاصی کمی دیکھنے میں آئی ہے ،یوٹیلیٹی سٹوروں پر آٹے کی بڑی مقدار موجود مگر لینے والا کوئی نہیں۔