(مانیٹرنگ ڈیسک) معروف اداکارہ اقراء عزیز کے خاوند اور میزبان و اداکار یاسر حسین نے اہلیہ کے امید سے ہونے کی تصدیق کر دی ہے،گود بھرائی رسم کی تصاویر بھی سوشل میڈیا پر وائرل ہوگئیں۔
View this post on Instagram
سماجی رابطوں کی ویب سائٹ انسٹاگرام پر یاسر حسین کی جانب سے اہلیہ کے ہمراہ اپنی تصویر شیئر کرتے ہوئے مداحوں کو والدین بننے کی اطلاع دی گئی، یاسر حسین نے اپنی پوسٹ میں لکھا کہ اللہ ہم پر ہمیشہ سے ہی مہربان رہا ہے اور اس بار توکرم نوازی بے مثال ہے، یاسر حیسن نے مزید لکھا کہ اولاد اللہ کا خوبصورت تحفہ ہے، ہم بہت خوش ہیں اور امید کرتے ہیں کہ آپ بھی ہمیں اپنی دعاؤں میں یاد رکھیں گے۔
View this post on Instagram
جوڑی نے انسٹاگرام پراقراء کی گود بھرائی کی رسم کی دلکش تصاویر اپنے فالوورز کیلئے شیئر کیں جو سوشل میڈیا پرخوب وائرل ہورہی ہیں، اقراء نے یاسر کے ساتھ تصویر شیئرکی جس میں اندازہ لگایا جاسکتا ہے کہ وہ امید سے ہیں، اداکارہ نے کیپشن میں بتایا کہ ان کے ہاں بچے کی پیدائش جولائی 2021 میں متوقع ہے۔
View this post on Instagram
خیال رہے کہ مقبول اداکار جوڑی اقراء اور یاسر 2019 کے آخری ایام میں رشتہ ازدواج میں منسلک ہوئے تھے اور اداکار جوڑی کی شادی جہاں دلہن کے عروسی لباس کے باعث خاصی مشہور ہوئی وہیں مختلف رسومات کے باعث بھی سوشل میڈیا کی صارفین کی توجہ کا مرکز بنی رہی۔