(مانیٹرنگ ڈیسک ) پاکستانی اداکارہ میرا کی رشی کپور کے حوالے سے بیان پر سوشل میڈیا پر تنقید کا سلسلہ جاری ہے، میرا کا دعویٰ ہے کہ میرے ساتھ فلم میں کام کرنا چاہتے تھے۔
پاکستانی اداکارہ میرا جواپنی گلابی انگریزی اورمنفرد بیانات کے باعث خبروں کی زینت بنی رہتی ہیں اب ان کا ایک وڈیومیں کہنا ہے کہ 2005 میں فلم نظر کی شوٹنگ کے دوران ممبئی میں ان کی ملاقات رشی کپورکے ساتھ ہوئی تھی۔
اداکارہ نے کہا کہ وہ بہترین اداکار نہیں بلکہ بہترین انسان بھی تھے، ایک بار دبئی میں ملاقات کے دوران رشی کپورکے ساتھ مختلف بات چیت ہوئی تھی اوراسی دوران انہوں نے میرے ساتھ کام کرنے کی خواہش کا اظہارکیا تھا اورمیں بھی ہمیشہ ان کے ساتھ کام کرنا چاہتی تھی۔
انہوں نے ملاقات میں میری تعریف بھی کی تھی اورمجھے ہمت بھی باندھی تھی اورانہوں نے مجھ سے یہ بھی کہا تھا کہ مجھے بڑے فنکاروں کے ساتھ کام کرنا چاہئے، اداکارہ نے کہا کہ ان کی موت کی خبرسن کربہت زیادہ تکلیف ہوئی کیونکہ رشی کپور صدی کے ایک بڑے اداکارتھے۔
اداکارہ نے مزید کہا کہ ان کے بات کرنے کے اندازسمیت وہ بہت ہمدرد تھے۔