علی اکبر:  اتنی بڑی ہانڈی چڑھی ہے ۔ ۔ کچھ نہ کچھ تو نکلے گا، ساراسامان چلا گیا ، پہلا ابالا آجائے تو پھر بتائیں گے ، اسپیکر چودھری پرویزا لہی کی معنی خیز گفتگو

رپورٹ کے مطابق اسپیکر پنجاب اسمبلی چوہدری پرویز الہی نے صحافیوں سے گفتگو کے دوران کہا ہے تحریک عدم اعتماد کی اتنی بڑی ہانڈی چڑھی ہے کچھ تو نکلے گا ہانڈی میں سامان چلا گیا دھواں اٹھنے کے بعد پہلا ابالا آتا ہے پہلا ابالا آجائے تو پھر آپ کو بتائیں گے۔

صحافیوں کی جانب سے اس سوال پر کہ کیا آپ کا بھی وزیراعظم کو گھبرانا نہیں ہے کا پیغام ہے؟  چودھری  پرویز الہی نے قہقہہ لگاتے ہوئے کہا کہ عمران خان بالکل بھی گھبرائے ہوئے نہیں ہیں۔ عمران خان سے ملاقات کے دوران تحریک عدم اعتماد پر کوئی بات نہیں ہوئی۔ عمران خان نے مہنگائی کی روک تھام کے لیے بہت اچھے اقدامات کیے ہیں۔ پٹرول کی قیمت میں کمی سے بہت فائدہ ہو گا،: بجلی کی قیمتیں بھی نیچے آئی ہیں۔ انہوں نے کہا کہ اگلے 48 گھنٹوں سے متعلق مولانا فضل الرحمن ہی بتا سکتے ہیں۔