(مانیٹرنگ ڈیسک) بالی وڈ اداکارہ شلپا شیٹی نےشو میں بات نہ سننے اور نظر انداز کرنے پر روہت شیٹی کو شیشے کی بوتل دے ماری، جس کی ویڈیو سوشل میڈیا پر وائرل ہوگئی۔
انڈیاز گاٹ ٹیلنٹ‘ بھارت میں اس وقت ٹیلی ویژن پر سب سے زیادہ پسند کیے جانے والے شوز میں سے ایک ہے، ٹی وی پر آج کل اس مقبول ترین شو کا نواں سیزن نشر کیا جارہا ہے۔شلپا شیٹی نے آنے والی قسط کا ایک کِلپ اپنے انسٹاگرام اکاؤنٹ پر شیئر کیا جس میں بالی ود کے معروف ڈائریکٹر اور اسٹنٹ کِنگ روہت شیٹی کو بطور جج دیکھا جاسکتا ہے۔
View this post on Instagram
ویڈیو میں دیکھا جاسکتا ہے کہ شلپا شیٹی روہت شیٹی سے کوئی بات کرنا چاہتی ہیں لیکن وہ کسی اور سے اپنی باتوں میں مشغول ہوتے ہیں اور اداکارہ کو یکسر نظر انداز کردیتے ہیں۔روہت شیٹی کا نظر انداز کرنا شلپا کو پسند نہ آیا اور انہوں نے مذاق مذاق میں روہت کے بازوؤں پر شیشے کی بوتل توڑ ڈالی۔
مارنے کے بعد جب روہت ان کی جانب متوجہ ہوتے ہیں تو شلپا ان سے کہتی ہیں وہ انہیں ایک فلم کی پیشکش کریں، صدمے میں مبتلا ڈائریکٹر جواب میں کہتے ہیں کہ ’کیا تم پاگل ہو؟ تم نے میرا سوٹ خراب کر دیا۔‘