(فہد علی)شہر میں چوری و ڈکیتی کی وارداتوں کیساتھ ٹریفک حادثات کی شرح میں بھی اضافہ ہورہا ہے، راوی پل پر تیز رفتار ٹرالر نے تین موٹر سائیکل سواروں کو ٹکر ماری دی، پولیس نے ٹرک سمیت ڈرائیو کو حراست میں لے کر کاروائی شروع کردی ۔
تفصیلات کے مطابق شہر میں ٹریفک حادثات کی سب سے بڑی وجہ تیزی رفتاری اور غیر محتاط ڈرائیونگ ہے، افسوسناک امر یہ ہے کہ پاکستان میں روڈ اینڈ سیفٹی ایکٹ موجود ہونے کے باوجود اس کا اطلاق نہیں کیا جاتا، اب تک کئی افراد ٹریفک حادثات کا شکار ہوکر اپنی قیمتی جانیں گنوابیٹھے ہیں اور بہت سے عارضی یا مستقل معذوری کا شکار ہوگئے ہیں۔
راوی پل پر خوفناک حادثہ پیش آیا جس میں ایک شخص جاں بحق اور دو شدید زخمی ہوگئے،تیز رفتار ٹرالرنےموٹر سائیکل سواروں کو ٹکر ماری جس کے نتیجے میں ایک شخص جاں بحق ، دو زخمی ہوگئے،پولیس نے ٹرک سمیت ڈرائیو کو حراست میں لے کر کارروائی شروع کردی ۔
پولیس کے مطابق راوی پل ہر تیز رفتا ٹرالر نے تین سوار موٹر سائیکلسٹ کو ٹکر مار دی جس کی وجہ سے ایک شخص موقع پر ہی جاں بحق ہو گیا جبکہ دو شدید زخمی ہو ہوئے، پولیس اور ریسکیو نے موقع ہر پہنچ کر زخمی ہونے والے شہریوں کو طبی امداد کے لیے ہسپتال منتقل کردیا۔
خوفناک حادثے میں جاں بحق ہونے والے شخص کی لاش پولیس نے کاغذی کارروائی کے بعد ورثاء کے حوالے کردیا ،جس ہر ورثا نے لاش راوی پل پر رکھ کر ٹرک ڈرائیور کے خلاف احتجاج کیا،پولیس نے ٹرک ڈرائیور کو موقع پر گرفتار کر کے قانونی کارروائی شروع کردی ہے۔