(زین مدنی) صوبائی وزیر اطلاعات و ثقافت پنجاب فیاض الحسن چوہان نے 20 مستحق فنکاروں شاعروں، گلوکاروں اور ادیب حضرات کیلئے حکومت پنجاب کے فنڈ سے امداد جاری کرنے کا اعلان کردیا۔
اس سلسلے میں مصنف ڈاکٹر انور سجاد کو پانچ لاکھ، فلم ڈائریکٹر ریحان کو تین لاکھ، ہدایتکار ایس سلیمان کودولاکھ ڈرامہ رائٹر ڈائریکٹر راحیل شاہ کو ایک لاکھ، اداکارہ دیبا خانم کو تین لاکھ، ماضی کی اداکارہ سویٹی کو پچاس ہزار، سرائیکی گلوکارہ مائی میکھو کو پچاس ہزار، اداکارہ شیبا بٹ کو پچاس ہزار اور نیئر ضیاء کو تیس ہزار روپے دینے کی منظوری دی گئی۔ آئندہ چند روز میں مستحق فنکاروں کو فنڈز دیئے جائیں گے ۔