اسرار خان:وزیر اعلیٰ مریم نواز کی ہدایت پر جرائم کو کنٹرول کرنے کی حالیہ مہم کے دوران پولیس کے اہلی حکام نے لاہور کے مختلف علاقوں میں پولیس کے 6 ایس ایچ اوز کے تبادلے کر دیئے۔
ڈی آئی جی آپریشنز محمد فیصل کامران نے چھ تھانوں کے سٹیشن ہاؤس آفیسرز کے تبادلوں کے احکامات پیر کی شام جاری کئے۔
فیصل کامران کے حکم پر افضل ڈوگر کو ایس ایچ او رائیونڈ سٹی تعینات کر دیا گیا ہے۔ تیمور عباس کو ایس ایچ او سبزہ زار تعینات کیا گیا ہے۔ عدنان گجر کو ایس ایچ او ٹاؤن شپ بنا دیا گیا ہے۔
آج شب ہی رو بہ عمل آنے والے ٹرانسفر آرڈرز کے مطابق عاصم حمید کو ایس ایچ او تھانہ ہربنس پورہ ، ریحان انور کو ایس ایچ او تھانہ شالیمار اور آصف منصب کو ایس ایچ او تھانہ لیاقت آباد تعینات کیا گیا ہے۔
ڈی آئی جی آپریشنز نے تمام ایس ایچ اوز کو نئی تعیناتی کے مقام پر فی الفور رپورٹ کرنے کا حکم دیا ہے۔