سٹی42:اینٹی کرپشن کا کرپٹ عناصر کے خلاف کریک ڈاؤن جاری ، ریکارڈ کیپر ایل ڈی اے نثار بٹ کو رشوت لیتے رنگے ہاتھوں گرفتار کرلیا گیا۔
اینٹی کرپشن لاہور نے مجسٹریٹ کے ہمراہ چھاپہ مارا جس دوران ریکارڈ کیپر ایل ڈی اے نثار بٹ کو رشوت لیتے ہوئے رنگے ہاتھوں گرفتار کیا گیا۔ اینٹی کرپشن لاہور نے مدعی مہتاب احمد سکنہ علامہ اقبال ٹاؤن کی شکایت پر ٹریپ ریڈ کیا، ملزم نے شہری سے فلیٹ کی ٹرانسفر کروانے کے لیے رشوت طلب کی تھی۔
سرکل آفیسر لاہور سید سہیل اخلاق نے مجسٹریٹ کے ہمراہ چھاپہ مار کر ملزم کو گرفتارکیا، ملزم سے موقع پر نشان زدہ نوٹ برآمد اور اس کیخلاف مقدمہ درج کردیا گیا۔