سٹی42: اے ایس ایف کا عازم حج خاتون سے ہتک آمیز رویہ ، حج پر جانے والی خاتون کے ایئرپورٹ پر بال کاٹ دیئے ۔
کراچی ایئرپورٹ پر اے ایس ایف کے عملے کا حدود سے تجاوز ، عازم حج خاتون اسکینر سے کلیئر ہوگئی تھیں لیکن شک کی بنیاد پر انھیں کمرے میں لے جاکر تلاشی لی گئی جہاں اے ایس ایف کی خاتون اہلکار رضوانہ کو بالوں پر شک ہوا اور چیکنگ کے دوران مسافر خاتون کے بال ہی کاٹ دیئے گئے۔بال کاٹنے کے بعد دوبارہ اسکین کیا گیا لیکن کچھ پھر بھی نہیں ملا ۔
اے ایس ایف کو خاتون کے بال کاٹنے کا کوئی اختیار نہیں تھا۔ایوی ایشن ڈویژن کی جانب سے معاملے کی انکوائری شروع کردی گئی ہے۔
واضح رہے کہ سیما بانو نامی خاتون حج کے مقدس فریضے کیلئے سعودیہ عرب جارہی تھیں۔