سٹی42:گزشتہ روز حیدرآباد میں ہونے والے سلینڈر دھماکے میں جاں بحق ہونے والے افراد کی تعداد میں اضافہ ہوگیا ، 2 لوگ مزید جان کی بازی ہار گئے۔

انتظامیہ کے مطابق حیدرآباد میں ہونے والے سیلنڈر دھماکے میں مزید دو متاثرین دم توڑ گئے ہیں۔ جاں بحق ہونے والے متاثرین سول اسپتال کراچی برنس وارڈ میں داخل تھے۔جاں بحق ہونے والوں کی تعداد 14 ہوگئی ہے جبکہ 9 متاثرین زیر علاج ہیں۔

ایڈیشنل ایم ایس سول اسپتال کے مطابق 23 زخمیوں کو برنس وارڈ لایا گیا تھا، زخموں کے تاب نہ لاتے ہوئے 14 افراد جاں بحق ہوگئے جبکہ 9 متاثرین کا علاج جاری ہے۔

ایڈیشنل ایم ایس سول اسپتال کراچی کا کہنا ہے کہ متاثروں کو بہتر سے بہتر علاج فراہم کیا جا رہا ہے۔