تھانہ ستوکتلہ کی حدود میں مبینہ پولیس مقابلہ ، ایک ڈاکو زخمی حالت میں گرفتار

 فاران یامین: تھانہ ستوکتلہ کی حدود میں مبینہ پولیس مقابلہ ،مقابلہ کے بعد ایک ڈاکو زخمی حالت میں گرفتار کر لیا گیا۔
پولیس کی جانب سے کہا گیا ہے کہ پولیس محافظ روٹین کی چیکنگ کر رہے تھے،موٹر سائیکل سواروں کو مشکوک جان کر روکا  توپولیس کو دیکھ کر موٹر سائیکل سواروں نے فائرنگ کر دی۔
 پولیس ذرائع کی جانب سے کہا گیا ہے کہ  پولیس ملازمین نے بھی بھر پور جوابی فائرنگ کی،دو طرفہ فائرنگ کے تبادلہ میں ایک ڈاکو زخمی حالت میں گرفتار  کیا گیا ۔ گرفتار ڈاکو کی شناخت آصف کے نام سے ہوئی،ڈاکو ڈکیتی، راہزنی سمیت دیگر وارداتوں میں ریکارڈ یافتہ ہے۔گرفتار ڈاکو آصف کو طبی امداد کے لئے ہسپتال منتقل کر دیا گیا  جبکہ فرار  ہونے والے ڈاکو  کی گرفتاری کیلئے چھاپے مارے جا رہے ہیں۔