(زین مدنی حسینی) لالی وڈ انڈسٹری کی نئی فلم ”عشرت میڈ ان چائینہ “کی تشہیری مہم کا آغاز کردیا گیا، فلم کی کاسٹ پر مبنی پوسٹرز ریلیز کردیئے گئے۔
لالی وڈ انڈسٹری کی نئی میگا بجٹ کی فلم عشرت میڈ ان چائینہ کی تشہیری مہم شروع ہوگئی ہے جس کے سلسلے میں فلم کی کاسٹ کے فنکاروں کے پوسٹرز ریلیز کئے گئے ہیں ۔ فلم کی کاسٹ میں اداکار محب مرزا،صنم سعید، سارا لورین ، مانی ،شبیر جان ، ایچ ایس وائے اور شمعون عباسی سمیت اداکار نیئر اعجاز شامل ہیں ۔ فلم کی عکس بندی پاکستان سمیت بنکاک میں کی گئی ہے جہاں لاک ڈاون کی وجہ سے فنکار کئی روز تک وہاں محصور رہے ۔فلم کے پروڈیوسراور ڈائریکٹر محب مرزا ہیں جن کے مطابق فلم کو اسی سال حالات ٹھیک ہونے پر ریلیز کیا جائے گا۔