وسیم احمد:چیمپینز ٹرافی 2025 کی تیاریاں کے سلسلے میں چیئرمین پی سی بی محسن نقوی کی زیر صدارت کل اہم اجلاس ہو گا۔

ذرائع کے مطابق اجلاس میں چیف آپریٹنگ آفیسر پی سی بی سمیر احمد سید،چیف ایگزیکٹو آفیسر پی ایس ایل سلمان نصیر سمیت ڈائریکٹرز شرکت کرینگے۔اجلاس میں چیمپنئز ٹرافی 2025 کے حوالے سے اہم فیصلے کئےجائیں گے۔
ذرائع کے مطابق پی ایس ایل سیزن 10 کی پلیئرز ڈرافٹنگ ودیگر اہم ایشوز بھی زیر غور ہونگے،اجلاس میں چیمپینز ٹرافی 2025 کی تیاریوں کیلئے کمیٹیاں بھی تشکیل دی جائیں گی۔سی ای او پی سی بی سمیر احمد سید کو چیمپئنز ٹرافی 2025 کا ڈائریکٹر ٹورنامنٹ مقرر کیا گیا۔چیمپنئز ٹرافی 2025 کیلئے آئی سی سی بھی رواں ماہ لاہور میں اپنا سب آفس قائم کریگا۔اجلاس میں آئی سی سی کے آفس کے حوالے سے بھی مشاورت کی جائے گی۔