ویب ڈیسک: پاکستانی شہریوں کو بطور سیاح ملائیشیا جانے سے پہلے وزٹ ویزا حاصل کرنا ضروری ہے کیونکہ اس کے بغیر انہیں داخلے کی اجازت نہیں مل سکتی۔
ملائیشیا دنیا میں مقبول سیاحتی مقام کی حیثیت رکھتا ہے کیونکہ وہاں ساحلوں، جنگلات اور تاریخی جگہیں موجو ہیں اور یہی خصوصیات یہاں سیاحوں کو کھینچ لاتی ہیں۔قوانین کے مطابق پاکستانی شہری چھ ماہ کی میعاد کے ساتھ ای ویزا کیلئے درخواست دے سکتے ہیں جس کیلئے دستاویزات درکار ہوتی ہیں۔
پاسپورٹ، درخواست گزار کی پاسپورٹ سائز تصویر، ہوٹل کی بکنگ یا رہائش کا ثبوت، ریٹرن ٹکٹ، ملائیشیا کے سفر کی مدت کیلئے فنڈز کا ثبوت، پاسپورٹ کی ڈیجیٹل کاپی، بائیوگرافیکل انفارمیشن کے ساتھ ہونی چاہیے۔
سیاحوں کیلئے ملائیشیا کے ای ویزا کی فیس 20 ملائیشین رنگٹ ہے۔ 2 جنوری 2025 تک، ایک رنگٹ 61.63 روپے کے برابر ہے لہٰذا الیکٹرانک سنگل انٹری ویزا کی قیمت 1232 روپے ہے۔
درخواست دہندگان سروس چارجز کے علاوہ ویزا پروسیسنگ فیس بھی ادا کریں گے جو کہ 105 رنگٹ ہے۔ درخواست دہندگان ایک ڈیبٹ یا کریڈٹ کارڈ کے ساتھ ای ویزا پروسیسنگ فیس ادا کر سکتے ہیں۔