(درنایاب) کمشنر لاہور سیف انجم نے گزشتہ روز رنگ روڈ اتھارٹی ہیڈ آفس کا دورہ کیا، اس موقع پر کمشنر لاہور و چیئرپرسن لاہور رنگ روڈ اتھارٹی سیف انجم کی زیر صدارت اجلاس منعقد ہوا۔
انہوں نے اجلاس سے خطاب کرتے ہوئے کہا کہ ایس ایل تھری رنگ روڈ کی تعمیر سے ٹریفک مینجمنٹ میں بہتری آئے گی، کمشنر کو بریفنگ میں بتایا گیا کہ این ایل سی کو ایس ایل تھری ایوارڈ ہو چکی ہے، 12 جنوری کو کنسٹرکشن ایگریمنٹ کے بعد ایس ایل تھری پر کام ہو گا۔
کمشنر لاہور نے کہا کہ شہری جنگلات کیلئے رنگ روڈ کی شہری خوبصورتی و ماحول کیلئے میگا اہمیت ہے، فروری میں بڑے پیمانے پر دوبارہ شجرکاری شروع کی جائے گی، ایس ایل تھری کے علاوہ دیگر پراجیکٹس کا معیار اور مدت تکمیل کو یقینی بنایا جائیگا۔