سٹی 42:محکمہ موسمیات نے کہیں  موسم سرد اور خشک اور کہیں تیز ہواؤں کے ساتھ بارش اور برفباری کی پیش گوئی کردی 

آ ج رات موسم کی صورتحال   کے مطابق ملک کے بیشتر علاقوں میں موسم سرد اور خشک رہنے کا امکان ہے  جبکہ رات میں شمال مغر بی بلوچستان اور بالائی خیبر پختونحوا میں چند مقامات پر ہلکی بارش اور پہاڑوں پر ہلکی برفباری کی توقع ہے ۔

 آج   لہہ منفی11، استور، گوپس، زیارت منفی 06، کالام، قلات منفی 05، بگروٹ، اسکردو ،گلگت منفی 04، پاراچنار اور کوئٹہ میں منفی 03 ڈگری سینٹی گریڈ ریکارڈ کیا گیا
منگل  کے روزموسم کی صورتحال: 

 اسلام آباد اور گردونواح میں موسم سرد اورمطلع جزوی ابر آلود رہنے کا امکان ہے ۔صوبہ خیبرپختونخوا کے بیشتر اضلاع میں موسم سرد اور خشک رہے گا۔تا ہم چترال، دیر، سوات، کو ہستان، مانسہرہ، ایبٹ آباد، بٹگرام ، کرم اور باجوڑمیں مطلع ابرآلود رہنے کے علا وہ چند مقامات پرتیز ہواؤں/گرج چمک کے ساتھ ہلکی بارش اور ہلکی برفباری کی توقع ہے ۔

  صوبہ پنجاب کے بیشتر اضلاع میں موسم سرد اور خشک جبکہ مری، گلیات اور گردونواح میں مطلع جزوی ابر آلود رہنے کے علاوہ تیز ہواؤں کے ساتھ ہلکی بارش اور برفباری کی توقع ہے  اس دوران راولپنڈی، جہلم، گجرات، چکوال ، سیالکوٹ،نارووال اور گردونواح میں مطلع جزوی ابر آلود رہنے کے علاوہ گرج چمک/تیز ہواؤں کے ساتھ ہلکی بارش ہو سکتی ہے۔ لاہور، شیخوپورہ، قصور، اوکاڑہ ، ننکا نہ صا حب، سیالکوٹ، نارووال، گوجرانوالہ اور حا فظ آباد میں صبح کے اوقات میں ہلکی سے درمیانی دُھند پڑ نے کی توقع ہے 

  صوبہ بلوچستان کے بیشتر اضلاع میں موسم سرد اور خشک جبکہ شمالی علاقوں میں شدید سرد رہے گا۔سندھ  کے بیشتر اضلاع میں موسم خشک اور سرد رہے گا۔گلگت بلتستان  اور کشمیر میں موسم شدید سرد اور مطلع جزوی ابرآلود رہنے کے ساتھ چند مقامات پرہلکی بارش اور ہلکی برفباری کی توقع ہے