خان شہزاد : رواں کاروباری ہفتے کے تیسرے روز بھی سونے کی قیمتوں میں اتارچڑھاو کا سلسلہ جاری رہا ۔ صرافہ بازاروں میں کاروباری سرگرمیوں کے اختتام تک سونا 100روپے فی تولہ مہنگا ہوگیا.
تفصیلات کے مطابق شہر کے صرافہ بازاروں اور مارکیٹوں میں سونے کی قیمتوں میں 100روپے کا اضافہ دیکھا گیا جس کے بعد صرافہ بازاروں میں خالص 24 قیراط فی تولہ سونے کی قیمت 1لاکھ 12ہزار 600روپے رہی ۔اسی طرح 22 قیراط فی تولہ سونے کے نرخ 1لاکھ 3ہزار 170روپے رہے اور 21 قیراط فی تولہ سونا 98ہزار481روپے کا رہا ۔جبکہ فی تولہ چاندی کی قیمت 1360روپے رہی۔
سونے کی قیمتیں بلند ترین سطح پر ہونے کے باعث صرافہ بازارون اور مارکیٹوں کی رونقیں مانند پڑگی ہیں قوت خرید نہ ہونے کے باعث صارفین صرافہ بازاروں کا رخ کرنے سے کترا رہے ہیں۔متوسط طبقہ میں شادیوں کیلئے مصنوعی زیورات کی خریداری کا رجحان بڑھ رہا ہے۔