سٹی42: آج شب اور کل دن بھر بیشتر علاقوں میں موسم خشک رہنے کا امکان ہے تاہم گلگت بلتستان میں مطلع ابر آلود رہنے کے علاوہ چند مقامات پر گرج چمک کے ساتھ ہلکی بارش اور پہاڑوں پر ہلکی برفباری کی توقع ہے۔
میٹ ڈیپارٹمنٹ کی فورکاسٹ کے مطابق اسلام آباد اور گردونواح سمیت خیبر پختونخوا کے بیشتر اضلاع میں موسم خشک اور سرد جبکہ شمالی اضلاع میں شدید سرد رہنے کا امکان ہے، پنجاب کے بیشتر اضلاع میں بھی موسم خشک اور سرد رہے گا ،صبح /رات کے اوقات میں لاہور، شیخوپورہ، قصور،حافظ آباد،نارووال،گجرانوالہ، گجرات،جہلم، منڈی بہاؤالدین، فیصل آباد، اوکاڑہ، جھنگ، ملتان، ساہیوال، بہاولپور، ڈیرہ غازی خان ،رحیم یار خان اور گردونواح میں بعض پر دُ ھند چھا ئےرہنے کی توقع ہے۔
صوبہ سندھ کے بیشتر شہروں میں بھی موسم خشک رہنے کا امکان ہے سکھر، کشمور، جیکب آباد اور گر دو نواح میں بعض مقامات پر صبح اور رات کے اوقات میں دُھند/ سموگ چھائے رہنے کی توقع ہے،بلوچستان کے بیشتر اضلاع سمیت کشمیر اور گلگت بلتستان میں موسم شدید سرد اور خشک رہنے کاامکان ہے۔
آج ریکارڈکئے گئے کم سےکم درجہ حرارت، لہہ منفی 08 ، ہنزہ، گوپس منفی03، سکردومنفی02 اورکالام میں منفی01ڈگری سینٹی گریڈ ریکارڈ کیا گیا۔