جنید ریاض:پنجاب کی تاریخ کا سب سے بڑا سکالرشپ پروگرام کل لانچ ہوگا، رانا سکندر حیات نے کہا وزیر اعلیٰ مریم نواز ہونہار سکالرشپ پروگرام کا افتتاح کریں گی۔
تفصیلات کےمطابق صوبائی وزیرتعلیم رانا سکندر حیات کا کہناتھا کہ سکالر شپ پروگرام کا لانچنگ میلہ پنجاب یونیورسٹی میں سجے گا، وزیر تعلیم رانا سکندر حیات نے لانچنگ تقریب کی تیاریوں کا جائزہ لینے کیلئے تقریب کے مقام کا دورہ کیا، تمام امور کا تکنیکی جائزہ لیا اور انتظامات پر بریفنگ لی،وزیر تعلیم نےغیر تسلی بخش انٹیرئیر ورک پر کنٹریکٹر کی سرزنش کی، ہدایت کی کہ انٹیرئیر ورک فی الفور بہتر کیا جائے۔
وزیر تعلیم کو بریفنگ دی گئی کہ ہونہار سکالرشپ پروگرام کے لئے 68 ہزار سے زائد طلباء کی درخواستیں موصول ہوئیں،وزیر تعلیم کا کہناتھا کہ سکالرشپ سکیم میں 65 یونیورسٹیوں، 359 کالجز اور 12 میڈیکل کالجز کے طلباء نے اپلائی کیا،130 ارب روپے کا سکالرشپ پروگرام، تعلیم دوست وزیراعلی کا شاندار اقدام ہے،سکالر شپ پروگرام ہر سال 30 ہزار نوجوانوں کے خواب پورے کرنے میں معاون ہوگا۔
سکیم کے تحت 68 ڈسپلن و مضامین کے طلباء کو سکالر شپ دی جائے گی،سکالر شپ سکیم میں انڈر گریجوایٹ ڈگری پروگرام کے طلباء کی 4 سے 5 سال تک کی مکمل ٹیوشن فیس ادا کی جائے گی،سکالر شپ پروگرام سے 22 سال سے کم عمر اور 3 لاکھ سے کم آمدن والے پنجاب کے شہری مستفید ہو سکیں گے۔