طیب سیف : ایف آئی اے امیگریشن نے اسلام آباد ائرپورٹ پرکارروائی کرتے ہوئے سنگین جرائم میں مطلوب اشتہاری ملزم کو گرفتار کرلیا ۔
ملزم حسین علی فلائٹ نمبر 9P-743 کے ذریعے اٹلی سے پاکستان پہنچا تھا، ملزم سال 2022 سے پنجاب پولیس کو مطلوب تھا، ملزم کے خلاف اقدام قتل کے تحت تھانہ ٹانڈہ گجرات میں مقدمہ درج تھا۔ ملزم کا نام اسٹاپ لسٹ میں بھی شامل تھا ۔
ملزم کو گرفتار کر کے پنجاب پولیس کے حوالے کر دیا گیا۔