مائدہ وحید:احمد ہاؤسنگ سوسائٹی ملتان چونگی کے مکین سیوریج کے مسائل کاشکار ہوگئے ۔ گندے پانی نے علاقہ مکینوں کا جینا دوبھر کر دیا۔ علاقہ مکینوں کا کہنا ہے ہم تو شکایات درج کروا کروا بے بس ہو گئے ۔
ملتان چونگی احمد ہاؤسنگ سوسائٹی کے مکین سیوریج مسائل کی وجہ سے مشکلات کا شکار ہیں۔علاقہ مکینوں کا کہنا ہے کہ سیوریج کے گندے پانی نے جینا دوبھر کر دیا ہے۔،متعدد بار شکایات کے باوجود کوئی شنوائی نہیں ہوئی۔
اہل علاقہ کا کہنا تھا کہ سیوریج مسائل سے بچے بیمار ہونے لگے ہیں، مگر انتظامیہ خاموش ہے،نمازیوں کو مساجد میں جانے میں شدید دشواری کا سامنا ہے، کپڑے ناپاک ہو جاتے ہیں۔انہوں نے انتظامیہ سے ترجیحی بنیادوں پر مسائل حل کروانے کا مطالبہ کیا ہے ۔