ویب ڈیسک: رواں سال کے آغاز میں رشتۂ ازدواج میں منسلک ہونے والی جوڑی کرکٹر شعیب ملک اور اداکارہ ثناء جاوید بیرونِ ملک میں چھٹیاں گزار رہے ہیں, سوشل میڈیا پر دونوں کی ایک ساتھ ’ رومینٹک ‘ تصاویر بھی وائرل ہوئی ہیں۔
فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے مشترکہ پوسٹ کرتے ہوئے اپنے رومانوی سفر کی کچھ جھلکیاں اپنے چاہنے والوں کے ساتھ شیئر کیں،سوشل میڈیا پر شیئر کی گئی حالیہ تصاویر سے معلوم ہوتا ہے کہ یہ جوڑا آج کل سوئٹزرلینڈ میں سیر سپاٹوں میں مصروف ہے، ان تصاویر میں شعیب اور ثنا ایک دوسرے سے میچنگ کرتے لباس میں نظر آرہے ہیں، ڈینم کی جینز کے ساتھ سفید شرٹ کا انتخاب کیا۔
تصاویر میں ان دونوں کو سرسبز و شاداب حسن وادی کے درمیان قدرت کے نظاروں سے لطف اندوز ہوتے ہوئے دیکھا جاسکتا ہے،اداکارہ ثناء جاوید نے شوہر کے ہمراہ تصویر شیئر کرتے ہوئے کیپشن میں دل والا ایموجی شیئر کیا۔
سوئٹزرلینڈ کی حسین وادی سے جوں ہی مذکورہ تصاویر سوشل میڈیا کی زینت بنی تو صارفین نے بھی اس جوڑی سے اپنی الفت کا اظہار کر دیا۔