(ویب ڈیسک)جنوبی ہندوستانی فلم انڈسٹری کی معروف اداکارہ شالینی پانڈے نے ساؤتھ فلم ڈائریکٹرپرہراسانی کاسنگین الزام لگادیا۔

 2017 میں وجے دیوراکونڈا کے ساتھ فلم "ارجن ریڈی" سے شہرت حاصل کرنے والی اداکارہ نے بتایاہے کہ کس طرح ایک ساؤتھ ہندی فلم کے ڈائریکٹر نے ان کی نجی زندگی میں دخل اندازی کی۔

 شالینی نے ایک انٹرویومیں بتایاکہ  میں ابھی فلم انڈسٹری میں بالکل نئی تھی اور میرے پیچھے کوئی فلمی پس منظربھی نہیں تھا۔ ،ایک دن جب میں اپنی وینٹی وین میں کپڑے تبدیل کر رہی تھی تو ڈائریکٹر بغیر دستک دیئے اندر گھس آیا۔

  اداکارہ نے بتایا کہ میں صرف 22 سال کی تھی اور میرے پاس کوئی تجربہ نہیں تھا، لوگ ہمیشہ کہتے تھے کہ "میٹھا بولو، کسی کو برا مت لگنے دو، ورنہ فلمیں نہیں ملیں گی" لیکن جب ڈائریکٹر نے ایسا کیا تو میرا ردعمل فطری تھااورمیں چیخ پڑی۔

 اداکارہ نے بتایا کہ واقعہ کے بعد لوگوں نے انہیں ڈانٹا کہ انہیں چیخنا نہیں چاہیے تھا۔لیکن تمیز کا ہونا ضروری ہے، صرف اس لیے کہ میں نئی ہوں، آپ بغیر دستک دیئے اندر نہیں آ سکتے،بعد میں مجھے احساس ہوا کہ میں نے اپنی حفاظت کےلیے یہ رویہ اپنایا تھالیکن لوگ مجھے اس واقعہ کے بعدغصے والی سمجھنے لگے۔

 شالینی نے اعتراف کیا کہ اپنے کیریئر کے آغاز میں ہی جنسی تعصب اور بدتمیزی کا شکار ہونے کے بعد انہوں نے اپنی حدود متعین کرنا سیکھ لیا،اب وہ ایسے حالات کو بہتر طریقے سے ہینڈل کرنا جانتی ہیں۔

 شالینی پانڈے نے 2017 میں "ارجن ریڈی"کے بعد شبانہ اعظمی، جیوتیکا اور نیمیشا ساجیان جیسی نامور اداکاراؤں کے ساتھ "ڈبہ کارٹل" جیسی فلموں میں کام کیاہے۔