علی ساہی : عوام کی سہولت کے لیے محکمہ ایکسائز اینڈ ٹیکسیشن پنجاب نے پراپرٹی کے این او سی کے حوالے سے بڑا اقدام لیتے ہوئے خرید وفروخت مزید آسان کر دی۔
تفصیلات کے مطابق خرید وفروخت کے لئے این اوسی لینے کے لئے ایکسائز دفاتر کے چکر نہیں لگانا پڑیں گے۔تمام متعلقہ اتھارٹیز کو سسٹم تک رسائی دے کرلاگ اِن جاری کرنے کا فیصلہ کیا گیا۔
ایل ڈی اے،کوآپرٹیو سوسائٹیز،ڈی ایچ اے،لینڈ ریونیو اتھارٹیز کو اتھارٹی ملے گی ۔ حکام کا کہنا ہے کہ سسٹم میں بقایا جات کلئیر ہونے پر متعلقہ اتھارٹی خود این او سی ڈاون لوڈ کرلے گیا۔
جبکہ زیر التوا واجبات کی ادائیگی یا متنازع پراپرٹی پر این او سی کے لئے ایکسائزدفاتر رجوع کیا جائے۔
انہوں نے مزید کہا کہ اتھارٹیز کو این او سی کے اجرا کی سہولت سے پراپرٹیز کو فوری ٹرانسفر کرایا جاسکےگا۔اسی طرح ڈی جی ایکسائز کے حکم پر تمام متعلقہ اتھارٹیزکوآگاہ کردیا گیا۔