ویب ڈیسک: آج رات کے موسم کی صورتحال کے متعلق محکمہ موسمیات نے اہم پیشگوئی کردی۔
محکمہ موسمیات کے مطابق ملک کے بیشتر بالائی وسطی علاقوں میں مطلع ابر آلود رہنے کی توقع ہے، جبکہ خیبر پختونخوا ، بالائی وسطی پنجاب ، شمالی بلوچستان میں تیز ہواؤں اور گرج چمک کے ساتھ بارش اور ژالہ باری کا امکان ہے۔
محکمہ موسمیات کا کہنا ہے کہ کشمیر اور گلگت بلتستان میں تیز ہواؤں اور گرج چمک کے ساتھ بارش اور ژالہ باری کا امکان ہے، جبکہ چند مقامات پر موسلادھار بارش کا بھی امکان ہے۔
محکمہ موسمیات کے مطابق ملک کے دیگر علاقوں میں موسم خشک رہے گا۔
منگل کے روز موسم کی صورتحال کے متعلق محکمہ موسمیات کاکہنا ہے کہ پنجاب کےبیشتر اضلاع میں موسم خشک رہنے کا امکان ہے، ساتھ ہی خیبرپختونخوا کےبیشتر اضلاع میں بھی موسم خشک رہنے کا امکان ہے۔
محکمہ موسمیات کے مطابق اسلام آباد میں مطلع جزوی ابر آلود رہنے گرج چمک اور تیز ہواؤں کے ساتھ بارش کا امکان ہے ،جبکہ کرم، چترال، دیر، سوات، مالاکنڈ، مانسہرہ، کوہستان اورایبٹ آباد میں تیزہواؤں اورگرج چمک کے ساتھ بارش کی توقع ہے۔