ویب ڈیسک:پارلیمنٹ ہاؤس کے باہر پہنچنے والی پی ٹی آئی کی خواتین کارکنوں کو گرفتار کرلیا گیا ۔ پولیس کے مطابق اب تک 3خواتین کارکنوں کو گرفتار کیا گیا ہے۔
تفصیلات کے مطابق شہر اقتدار میں اس وقت اقتدار کی جنگ جاری ہے۔ وزیراعظم کی کال پر پہنچنے والے تحریک انصاف کے کارکنوں نے حالات کشیدہ بنانے کیلئے نعرے بازی اور توڑ پھوڑ کی۔ پولیس کے ساتھ بھی الجھتے رہے۔ بعدازاں پولیس تحریک انصاف کے کارکنوں کو روکنے میں ناکام رہی اور پی ٹی آئی ورکرزبلیو ایریا سے ڈی چوک جانے میں کامیاب ہوگئے۔
پولیس کی بھاری نفری بھی پی ٹی آئی کارکنوں کو واپس دھکیل نہ سکی۔مشتعل کارکنوں نے پولیس کیساتھ ہاتھا پائی اور نعرے بازی بھی کی گئی۔ تحریک انصاف کے کارکن پولیس حصار توڑ کر جناح ایونیو پہنچ گئے۔ متعدد کارکنوں نے خاردار تاری ہٹا کر اور دیواریں پھلانگ کر رسائی حاصل کی۔
دوسری جانب اسلام آباد پولیس نے پارلیمنٹ ہاؤس کے باہر پہنچنے والی تحریک انصاف کی خواتین کارکنوں کو حراست میں لے لیا ہے۔
https://www.city42.tv/uploads/digital_news/2022-04-03/news-1648969573-3129.mp4