حال ہی میں زندگی کے نئے سفر کا آغازکرنے  والی جوڑی اداکارہ سجل علی اوراحد رضا میر بھی ان دنوں باقی سب کی طرح سماجی دوری اختیار کیے ہوئے ہیں۔

گھرپر رہ کر نئی زندگی کا تجربہ کرنے والی سجل علی نے انسٹا اسٹوریز میں اپنی ساس کی جانب سے دی جانے والی کینڈیز شیئر کرتے ہوئے خوشی کااظہار کیا۔ سجل نے تصویر شیئر کرتے ہوئے لکھا جب اماں آپ کی پسندیدہ کینڈیز لاکردیں، لو یو ماما۔

 احد اور سجل کے مداح جہاں ان کی شادی پر بے حد خوش ہیں اور انہیں نیک تمناﺅں سے نواز رہے ہیں وہیں شوبز فنکاروں نے بھی دونوں کو نئی زندگی کی ڈھیروں مبارکباد دی ہے۔

اداکار حمزہ علی عباسی نے دونوں کو شادی کی مبارکباد دیتے ہوئے کہا کہ ہر گزرتے دن کے ساتھ تمہاری محبت مزید مضبوط ہو۔ اداکارہ ماہرہ خان، زارانور عباس، ایمن، منال خان، سارہ خان، مومل شیخ، اقرا عزیز سمیت تقریبا تمام فنکاروں نے دونوں کو نئی زندگی کی ڈھیروں مبارکباد دی۔

ڈرامہ سیریل"یقین کے سفر سے مقبول ہونے والی احد اور سجل کی جوڑی اب حقیقی زندگی میں بھی ایک دوسرے کے ساتھی ہیں.

واضح رہے کہ 6 جون 2019 کو اداکار آصف رضا میر کے صاحبزادے   احد رضا میر نے اداکارہ  سجل علی کے ساتھ منگنی کی تھی۔