گلبرگ (ذین مدنی )معروف اداکارہ منشا پاشا نے اپنے پسندیدہ شخص کے بارے میں اپنے مداحوں کو آگاہ کردیا۔
فوٹو اور ویڈیو شیئرنگ ایپ انسٹاگرام پر اداکارہ منشا پاشا نے ایک تصویر شیئر کی ہے جس میں وہ سماجی کارکن جبران ناصر کے ساتھ کھڑی دکھائی دے رہی ہیں۔اس تصویر کے ساتھ کیپشن میں اداکارہ نے لکھا کہ میرے پسندیدہ شخص ۔الحمداللہ، ماشااللہ۔ انسٹاگرام پر جاری کردہ تصویر میں منشا پاشا نارنجی اور گلابی رنگ کے خوبصورت لباس میں نظر آرہی ہیں، اس کے علاوہ انہوں نے بالوں میں گجرا اور کانوں میں بھاری جھمکے بھی پہن رکھے ہیں۔
دوسری جانب سماجی کارکن جبران ناصر نے کالے رنگ کا شلوار قمیض پہن رکھا ہے، یہ تصویر کسی تقریب کی معلوم ہوتی ہے جہاں دونوں نے ایک ساتھ شرکت کی تھی جبکہ ان تصاویر کے پیچھے کا بیگ گراونڈ بھی کچھ ایسی ہی اطلاعات فراہم کرتا ہے۔ واضح رہے کہ اداکارہ منشا پاشا اور جبران ناصر کی منگنی گزشتہ سال 22 سمبر کو ہوئی تھی جبکہ انہوں نے ایک سال بعد شادی کرنے کا فیصلہ کیا تھا۔